O’zbekistonlik shaxmatchilar 2017 yil 4 iyun kuni Minskda bo’lib o’tgan 8, 10 va 12 yoshgacha bolalar o’rtasida tezkor shaxmat (rapid) va blis bo’yicha birinchi jahon chempionatida uchta medalni qo’lga kiritdi. Musobaqada 25 mamlakatdan 532 nafar yosh shaxmatchi ishtirok etdi. Shveysarcha tizim bo’yicha 5'+2″ nazorat vaqti bilan to’qqizta tur o’ynaldi, deb xabarberdi Shaxmat federasiyasi matbuot xizmati.

10 yoshgacha bolalar o’rtasida blis bo’yicha ochiq bellashuvlarda Islombek Sindorov oltin, Abdulbosit Sharifjonov kumush medalni qo’lga kiritdi. Qayd etish joizki, har ikki shaxmatchi ham 8 ochkodan to’pladi, biroq qo’shimcha ko’rsatkichlar bo’yicha Islombek Sindorov o’z vatandoshidan o’zib ketdi. Uchinchi o’rinni 7 ochko to’plagan rossiyalik Leonid Lissov egalladi.

Rapid bo’yicha bolalar jahon chempionati yakunlari bo’yicha Islombek Sindorov 10 yoshgacha bolalar o’rtasida kumush medalga sazovor bo’ldi.